टिकटकमा हिट बनेका भारतिय मोडल मञ्जुल खट्टरसँग नेपाली अभिनेत्री रिश्ता बस्नेतले स्क्रिन शेयर गरेकी छन् । गत फागुनमा नेपालको पोखरामा रहेको विभिन्न मनोरम दृश्यमा छायाँकन गरिएको भिडियोलाई जी म्युजिकको युट्युब च्यानल मार्फत रिलिज गरिएको छ । नेपाली प्राविधिक प्रयोग गरेर तयार गरिएको हिन्दी गीत ’साथिया तेरे बिना’ गीतको भिडियोमा नेपालको सुन्दरता देख्न सकिन्छ ।
मञ्जुल यहि गीतको छायांकनको लागी पहिलो पटक नेपाल आएका थिए । उनले सुन्दर भिडियो निर्माणका लागि नेपाली प्राविधिकलाई धन्यवाद दिएका छन् । टिकटकबाट चिनिएका मञ्जुल पछिल्लो समय म्युजिक भिडियोमा व्यस्त छन् ।
सार्वजनिक गीतमा कार्तिक र ज्योतिकाको स्वर रहेको छ । गीतमा शब्द संजीव पाण्डेको रहेको छ भने संगीत पुनित पाण्डेले दिएका छन् । गीतलाई टिकम शर्माले निर्माण गरेका हुन् भने यसलाई सम्राट शक्याले निर्देशन गरेका छन् । तात्कालिन समयमा नेपाल सरकारले घोषणा गरेको भिजिट नेपाललाई टेवा पुग्ने उदेश्यले भिडियो तयार गरिएको थियो ।
भिडियो: