चर्चित सञ्चारकर्मी नरेश भट्ट अभिनीत ‘बाटोको काँडा’ बोलेको गीतको भिडियो सार्वजनिक भएको छ । मंगलवार राजधानीमा एक कार्यक्रमका बीच सार्वजनिक गरिएको गीतको भिडियोमा नरेशको अपोजिटमा अभिनेत्री रेविका गुरुङ देखिएकी छन् ।
तारा प्रकाश लिम्बुको शब्द तथा संगीत रहेको गीतमा सहास शाक्यको एरेन्ज रहेको छ । राजकुमार केसीले छायांकन गरेको म्युजिक भिडियोलाई धुव्रराज पराजुलीले सम्पादन गरेका छन् । यो गीत चाम्स इन्टरटेन्मेन्टले प्रस्तुत गरेको हो ।
गीतले प्रेम वियोग बोल्छ । गाउँ घुम्न गएको बेला नरेशको भेट रेविकासँग हुन्छ र उनीहरु एकअर्कासँग नजिक हुन्छन् । तर, एक सुवारी दुर्घटनामा रेविकाको मृत्यु भएपछि नरेश विक्षिप्त हुन्छन् । उनै, निरेशको प्रेम पीडालाई भिडियोमा प्रस्तुत गरिएको छ ।
गीत हेर्नुहोस् :-