अमेरिकाको मेरिल्याण्डमा बस्दै आएका गीतकार तथा गायक बसन्त थापा मगरको नयाँ गीत ‘कहिले दायाँ कहिले बायाँ’ को भिडियो सार्वजनिक भएको छ ।
गायक थापाकै शब्द र लय रहेको उक्त गीतमा गायिका अन्जु पन्तले बसन्तलाई स्वरमा साथ दिएकी छन् । गीतमा अशोक लोहारुंग राईको म्यूजिक एरेन्ज छ । भिडियोमा पल शाह, नग्मा श्रेष्ठ र शोभित बस्नेत फिचर्ड छन् । भिडियोमा पललाई दोहोरो भूमिकामा देख्न सकिन्छ ।
समन अधिकारी निर्देशित भिडियोमा अर्जुन तिवारीको छायांकन, प्रमोद भण्डारीको कोरियोग्राफी, नविन निरौलाको सम्पादन र कलर ग्रेडिङ छ ।
यसअघि मगरले ‘आमाले बोकेको भारी’ नामक गीत दर्शकमाझ ल्याएका थिए ।
‘कहिले दायाँ कहिले बायाँ’ गीतको भिडियो हेर्नुहोस्: