प्रेम टिकाउन जन्तर बाँध्दै नाजिर (भिडियो)

केही समययता नेपाली चलचित्रका नायक-नायिकाहरुको म्यूजिक भिडियोतर्फ आकर्षण बढेको छ । यही सूचीमा पर्छन्, नायक नाजिर हुसेन । हालै नजिर फिचर्ड म्यूजिक भिडियो सार्वजनिक भएको छ । गीतको बोल छ “प्रेम गर्ने जन्तर” ।

लोक फ्लेवरको यस भिडियोमा ११ पटक प्रेममा असफल भएका नाजिरले केही सिप नलागेपछि अन्ततः प्रेम टिकाउनलाई प्रेम गर्ने जन्तर बाँध्ने सोच गरेका छन्, तर आफूले रोजेकी युवतीले दाजु भनिदिँदा उनको निराश भएका छन् ।

डिजिटल नेपालबाट सार्वजनिक भएको यस गीतमा स्वर दीपक महर्जनको छ । शब्द र संगीत किरण पहाडीको छ । भिडियोको कोरियोग्राफी महेन्द्र निरौला र ब्रिहस्मन सुनुवारले गरेका छन् । छायांकन हरि घले मगरले गरेका छन् भने सम्पादन सुरेश बाडेको छ ।

भिडियोको निर्देशन रोशन श्रेष्ठले गरेका हुन् । भिडियोमा नाजिरको जोडीकी रुपमा सरुसा महर्जन फिचर्ड छिन् । गीतको भिडियो निकै आकर्षक बनेको छ । अभिनेता नाजिर यो गीतलाई पनि दर्शक तथा स्रोतले मन पराउनेमा आशावादी छन् ।

भिडियो :-