बिहे गर्ने तयारीमा काजल

बलिउड तथा दक्षिण भारतीय चलचित्रकी चर्चित अभिनेत्री हुन्, काजल अग्रवाल । उनले तामिल र तेलुगु चलचित्रमा पनि काम गरिसकेकी छिन् । उमेरले ३४ लागेकी उनले अब भने विवाहको सुरु कसेकी छन् ।

सुन्दर अभिनेत्रीका रूपमा समेत चिनिने काजलले हालै आफू बिहेका लागि तयारीमा रहेको बताएकी छन् । एक कार्यक्रममा बोल्दै उनले बिहेको प्रस्ताव स्वीकार गरिसकेको र छिट्टै बिहे गर्ने योजनामा रहेको खुलासा गरेकी हुन् ।

‘हो, अब छिट्टै बिहे गर्नेछु,’ काजल भनिन् । उनी पछिल्ला दिनहरुमा बलीउडमा देखिएकी छैनन् । पछिल्लो पटक उनी चलचित्र सन् २०१६ मा आएको ‘दो लफ्जोकी कहानी’ मा देखिएकी थिइन् । ‘सिघंम’ जस्ता सफल चलचित्रमा पनि उनले अभिनय गरेकी थिइन् ।