नेपाली चलचित्र ‘गोर्खा रक्षक’ निर्माता तथा मार्सल आर्टका अन्तर्राष्ट्रिय खेलाडी सनी बीले निर्माण गरेको हलिउड चलचित्र ‘फाइट अफ फ्यूरी’ को अफिसियल ट्रेलर सार्वजनिक भएको छ । ट्रेलर एक्सनले भरिएको छ । चलचित्रमा सनी स्वयं प्रमुख भूमिकामा छन् ।
मानव तस्करीको कथामा निर्माण भएको चलचित्रको ट्रेलर सार्वजनिक भए पनि प्रदर्शन मिति भने घोषणा गरिएको छैन । २०२० भित्र चलचित्र प्रदर्शन गर्ने तयारी निर्माण टिमको छ । चलचित्रको लेखन तथा निर्देशन सनी स्वयंले गरेका हुन् । उनी चलचित्र उत्कृष्ट बनेको दाबी गर्छन् ।
सनीसँगै चलचित्रमा कार्ल भेन मिटेर, जोसेफ ली माइकल, बसिल मास्टर्सलगायतका कलाकारहरुको अभिनय छ । ओरल्यान्डो गुइटिरेजको छायांकन रहेको ‘फाइट अफ फ्यूरी’ लाई अमृत नेपालले सम्पादन गरेका हुन् । बी किक फिल्मस्को ब्यानरमा बनेको चलचित्रमा संजय श्रेष्ठको संगीत छ ।
ट्रेलर हेर्नुहोस् :-