सलमान ‘दबंग ४’ का लागि पनि तयार

बलिउड सुपरस्टार सलमान खानको चलचित्र ‘दबंग ३’ अर्को हप्ता प्रदर्शनमा आउँदैछ । तर, सलमानले आफू ‘दबंग ४’ का लागि पनि तयार रहेको बताइएको छ । यसअघिका दंबगले बक्स अफिसमा सानदार कमाई गर्न सफल भएका थिए । ‘दबंग ३’ ले पनि बक्सअफिसमा धमाकेदार कमाई गर्ने विश्वास लिइएको छ ।

‘दबंग ४’ का लागि स्क्रिप्ट तयार भैसकेको र सलमान खानले स्क्रिप्ट पनि पढिसकेको बताइएको छ । ‘दबंग ४’ को सुटिङ कहिले हुने वा यस चलचित्रलाई कसले निर्देशन गर्नेबारे भने बताइएको छैन । तर, यो चलचित्रले दर्शकलाई खुसी बनाउने सलमानले बताएका छन् ।

‘दबंग ३’ को प्रचारम व्यस्ता रहेका बेला उनले यस्तो खुलासा गरेका हुन् । लगभग एक दशकदेखि सलमान खानले अभिनय गरेका अधिकांश चलचित्रहरुले १०० करोडभन्दा बढीको कमाई गर्न सफल भएका छन् । ‘दबंग ३’ पनि पहिलो विकेन्डमा सय करोडको आँकडा पार गर्ने अनुमान गरिएको छ ।