कात्तिकले बढाए पारिश्रमिक

एकपछि अर्को फिल्म बक्सअफिसमा सुपरहिट साबित भएपछि अभिनेता कात्तिक आर्यनले आफ्नो पारिश्रमिक बढाएका छन् । अब, उनले एउटा चलचित्रमा अभिनय गरेबापत ७ करोडको लिने भएका छन् ।

चलचित्र ‘प्यारका पञ्चनामा’ बाट बलिउडमा करिअर सुरुवात गरेका उनको नयाँ चलचित्र ‘पति, पत्नी और वो’ डिसेम्बर ६ तारिखमा रिलिज हुँदैछ । त्यस्तै, उनको अर्को चलचित्र ‘भुल भुलैया २’ को चाँडै छायांकन सुरु हुँदैछ ।

महँगा अभिनेताहरुलाई लिएर चलचित्र निर्माण गर्न कठिन हुँदा नयाँ अभिनेताहरुले राम्रो अवसर पाएका छन् । एकपछि अर्को चलचित्रमा सफलता पाउन थालेपछि अन्य सफल अभिनेताझैँ कात्तिकले पनि आफ्नो रेट बढाएका हुन् ।