नेपालमा हरेक वर्ष सयको आसपासमा नेपाली चलचित्र निर्माण हुने गरेका छन् । जसमध्ये अधिकांश चलचित्रको ट्रेलर शाहिल खानले तयार गर्ने गरेका छन् । उनी ट्रेलर मास्टर मात्र होइनन् । चलचित्रदेखि म्यूजिक भिडियोमा समेत अभिनय गरेका छन् । प्रदर्शनको पखाईमा रहेको चलचित्र ‘लभ डायरीज’ का उनी एसोसिएट डाइरेक्टर समेत हुन् ।
क्रिकेटको विषयमा निर्माण भएको चलचित्र ‘च्याम्पियन’ मा प्रमुख भूमिकामा समेत अभिनय गरेका शाहिल अभिनीत फुर्सदको समयमा छानेर म्यूजिक भिडियो पनि गर्ने गरेका छन् । उनी अभिनीत नयाँ भिडियो बुधबार युट्युबमा सार्वजनिक भएको छ । ‘बाँच्न जति गाह्रो’ बोलको मर्मस्पर्शी गीतमा उनले अपाङको भूमिका निभाएका छन् । उनको अपोजिटमा सायसा छिन् ।
दुर्घटनामा परेर शाहिललाई स्पाइनल कर्ड इन्जुरी हुन्छ । उनी जीवनभर आफ्नै खुट्टामा उभिएर हिँड्न सक्दैनन् । यो अवस्थामा उनलाई प्रेमिका सायसाले साथ दिन्छिन् । यही भावमा भिडियो निर्माण भएको छ । भिडियोमा शाहिद र सायसाको अभिनय उत्कृष्ट छ । दीपक लिम्बुको स्वर रहेको गीतमा विकास चौधरीको संगीत छ भने शब्द सुवास जमर्कट्टेलको छ ।
भिडियोलाई विज्ञान राईले निर्देशन गरेका हुन् । भने, सम्पादन शाहिल खानको नै छ । बि. बि.फुयाँल र बाबुराम थापाले भिडियोको निर्माण गरेका हुन् । नवराज उप्रेतीले भिडियो खिचेका हुन् । भिडियोमा प्रस्तुत गरिएको कथा सुवास जमर्कट्टेलको वास्तविक जीवनमा आधारित रहेको बताइएको छ ।
भिडियो :-