हिन्दू नारीहरुको महान चाड हरितालिका तीज नजिकिँदै गर्दा तीजका गीतहरु बजारमा सार्वजनिक हुने क्रम बढ्दो छ । दिनानुदिन धेरै तीजका भाकाहरु नेपाली संगीत बजारमा सार्वजनिक भइरहेका छन् ।
यसै बिचमा पृथक शैलीमा रहेको बिल्कुलै नयाँ तीज गीत ‘टिनको वाकस’ सार्वजनिक गरिएको छ । प्रतीक्षा वाग्ले र सुरज सापकोटाको प्रस्तुती रहेको उक्त गीतमा तेजश रेग्मी र प्रतीक्षा वाग्लेको सुमधुर आवाज रहेको छ भने गीतमा लय र शब्द तेजश रेग्मीको रहेको छ ।
गीतमा आशिष अविरलको एरेन्ज, एचवीएन किस्मतको मिक्सिङ रहेको छ । सुन्दा पृथक अनि नाँचौ नाँचौ लाग्ने गीतमा बर्दियाली मोडल सुनिल शाही, तेजश रेग्मी, पुजन घिमिरे र एलिना ठकुरीको नृत्य देख्न सकिन्छ । गायिका प्रतीक्षा वाग्लेको यसभन्दा अघि पनि तीज गीत र दोहोरि गीत सार्वजनिक भइसकेको छ ।
इनाक्षी इन्टरटेन्मेन्टको अफिसियल युटुब च्यानलबाट सार्वजनिक भएको उक्त गीतको म्युजिक भिडियोमा शिव वि.कको कोरियोग्राफी तथा निर्देशन, अजय रेग्मीको छायांकन र सुजन शाहीको सम्पादन रहेको छ ।
गीत हेर्नुहोस् :-