काठमाण्डौ। लोकप्रिय ब्यान्ड ‘कुटुम्ब’राजधानीको दरबारमार्गमा गुञ्जने भएको छ । शुक्रवारदेखि शुरु हुन लागेको नयाँ लाउन्ज क्लब ‘म्यागनम’को क्लबको उद्घाटन अवसरमा ‘कुटुम्ब’को प्रस्तुती रहने बताईएको छ ।
कुटुम्बले ‘सय थरी बाजा’, ‘सान्नानी’, ‘असारे महिनामा’, ‘झम्के फुली’ लगायत आफ्नो एल्बमका लोकप्रिय गीतहरु कार्यक्रममा प्रस्तुत गर्नेछ । यो ब्यान्डले लोक शास्त्रिय संगीतमा ख्याती कमाएको छ ।
लोपन्मुख वाद्यवादनको संरक्षणमा महत्वपुर्ण भूमिका निर्वाह गर्दै आएको यो ब्यान्डले सदाझै बासुरी, सारङ्गी, धीमे, ढोलक जस्ता बाजाहरुसहित आफ्नो प्रस्तुति दिनेछ । उद्घाटन कार्यक्रम साँझको ७ बजेबाट सुरु हुने बताइएको छ । कार्यक्रममा डिजे सेसन पनि राखिएको छ । सहभागीलाई नचाउन डिजे निधान, डिजे निहान र डिजे अस्मी आउनेछिन् । उद्गाटन समारोहमा ग्राहकलाई २५% छुट दिईने जनाईएको छ ।