कात्तिक २२ गतेबाट प्रदर्शनमा आउन लागेको हरि हुमागाईं निर्देशित डेब्यू चलचित्र ‘सरौतो’ को पहिलो गीत ‘कुले दाई’ सार्वजनिक भएको छ । बुधबार राजधानीमा एक कार्यक्रमका बीच सार्वजनिक गरिएको लोक शैलीको गीतमा ‘कुटुमा कुटु’ फेम्ड गायक तथा संगीतकार राजन राज शिवाकोटीको शब्द, संगीत तथा स्वर समावेश छ । उनलार्ई मिलन नेवारले गायनमा साथ दिएकी छन् ।
निलिशा शाक्यको कोरियोग्राफी रहेको गीतको भिडियोमा फिल्मकी लिड अभिनेत्री सुमी मोक्तान र अभिनेता सन्नी सिंह फिचर्ड छन् । गीतको मेकिङ उच्च देखिएको छ । चलचित्रलाई शुभकामना दिन कार्यक्रममा निर्माता तथा कलाकार दीपकराज गिरी, केदार घिमिरे, अभिनेता मनिष श्रेष्ठ, निर्देशक तथा कलाकार आसिफ शाहलगायत उपस्थित भएका थिए । यो चलचित्रलाई ‘रिभेञ्ज स्टोरी’ भनिएको छ ।
विरान्जना इन्टरटेनमेन्ट, स्क्वायर वान क्रिएसन, राइजिङ्ग फिल्म्स् एण्ड ग्लिटर फिल्म्स स्टुडियोको ब्यानरमा निर्माण भएको चलचित्रमा कार्यकारी निर्माताको रुपमा सिर्जना जोशी र लक्ष्मी कुमारी तामाङ रहेका छन् । चलचित्रमा सुमी र सन्नीका अलावा विजय लामा, युवराज लामा, धिरेन शाक्य, आमिर गौतम, अरुणा कार्की लगायतको अभिनय रहेको छ । चलचित्रमा शंकर महर्जनको एक्सन छ ।
चलचित्रमा राघव कृष्ण गौतमको लेखन र उत्तम हुमागाईंको छायांकन छ । यसमा राजनराज शिवाकोटी, पुष्पन प्रधान, कमल खत्री, कोसिस क्षेत्रीको संगीत रहेको छ । भने, निमेष श्रेष्ठको सम्पादन, निलिशा शाक्यको नृत्य निर्देशन, प्रविन मानन्धरको कलर र भिएफएक्स छ । चलचित्रका चिफएडी अनिल खड्का हुन् । निर्देशक हुमागाईंले आफ्नो डेब्यू चलचित्र भए पनि उत्कृष्ट बनाउन कुनै कसर बाँकी नराखेको दाबी गरे ।
गीत हेर्नुहोस् :-