साउन १० गतेलाई प्रदर्शन मिति घोषणा गर्दै चलचित्र ‘एकलव्य’ को पहिलो गीत सार्वजनिक भएको छ । ‘पूर्वै चल्न्या रेल…’ बोलको लोक फ्लेवरको गीतमा रामचन्द्र काफ्ले र जुनु रिजालको स्वर छ । भने, राजेन्द्र बजगाईंको शब्द तथा संगीत छ । गीतको भिडियोमा फिल्मका अभिनेता सोनाम थापा मगर र मोडल सन्ध्या भट्टराईले नृत्य गरेका छन् ।
कविराज गहतराजको कोरियोग्राफी रहेको गीतमा सय बढी कोरसले सोनाम र सन्ध्यालाई साथ दिएका छन् । गीतअनुसार कलाकारको नृत्य पनि लोक शैलीकै छ । गीतले चलचित्रको हाइप निर्माणमा महत्त्वपूर्ण भूमिका खेल्ने निर्माण टिमको विश्वास छ । ‘एकलव्य’ लाई अनमोल शर्माले निर्देशन गरेका हुन् । यसअघि उनले दर्जन बढी चलचित्रमा सहायक निर्देशक भएर काम गरेका थिए ।
पारिवारिक प्रेमकथामा आधारित भएर निर्माण भएको चलचित्रमा सोनामसँगै ओसिन भट्टराई, महिला सिलवाल, पुष्कर राउत, शुशिल पोखरेल, शुष्मा कार्की, राजेन्द्र दुलाल, बिराग लोगुनसहितको अभिनय रहेको छ । ‘एकलव्य’ लाई राजेन्द्र दुलाल, सोनाम थापा मगर र अभी थापा मगरले निर्माण गरेका हुन् । कविराजसँगै रामजी लामिछानेको पनि चलचित्रका गीतमा कोरियोग्राफी छ ।
राजेन्द्र बजगाईंको गीत तथा संगीत, भोजराज देवकोटाको पटकथा तथा संवाद, कृष्ण श्रेष्ठको छायांकन रहेको फिल्मलाई अर्जुन जिसीले सम्पादन गरेका छन् । फिल्मलाई लिएर नव-अभिनेता सोनाम निकै उत्साहित छन् । उनी चलचित्रले दर्शकलाई निराश नबनाउने दाबी गर्छन् । निर्देशक अनमोल चलचित्रलाई उत्कृष्ट बनाउन आफ्नो तर्फबाट कुनै कसर बाँकी नराखेको बताउँछन् ।
गीत हेर्नुहोस् :-