असार २७ गतेलाई प्रदर्शन मिति घोषणा गरिएको दिनेश पौडेल निर्देशित चलचित्र ‘रे’ को पहिलो रोमान्टिक गीत सार्वजनिक भएको छ । ‘सागरमाथि’ बोलको गीतमा मेलिना राई र ओम सुनारको स्वर छ । राजेन्द्र त्रिपाठीको शब्द रहेको गीतमा गायक ओमले नै संगीत भरेका छन् ।
गीतमा चलचित्रका लिड अभिनेता दिवश धिताल र अभिनेत्री सुजता थापा फिचर्ड छन् । पोखराको फेवातालमा डुंगा चलाउँदै सुजना र दिवश एकअर्कालाई आफ्नो प्रेम अभिव्यक्त गरिरहेका छन् । गीतको भिडियोमा कविराज गहतराजको कोरियोग्राफी छ ।
यस चलचित्रको कथा निर्देशक दिनेश पौडेलकै होे । काठमाडौँ उपत्यकाभित्र हुने प्रख्यात ३ जात्राहरु ललितपुरको मछेन्द्र नारायण जात्रा, काठमाडौँको इन्द्र जात्रा र भक्तपुरको बिस्केट जात्राको वरिपरि चलचित्रको कथा घुम्ने बताइएको छ । एक्सन, लभ, रोमान्स, कमेडी सबै खुराक चलचित्रमा रहेको निर्देशक पौडेल बताउँछन् ।
सगुन फिल्मसको ब्यानरमा निर्मित चलचित्रमा सुनिल थापा, पुर्णिमा लामा, क्रान्ति बराइली, अभि जोशी, रक्षा गुरागाईलगायतका कलाकारहरुको पनि अभिनय छ । यस चलचित्रमा दोय कुमार श्रेष्ठ र शंकर महर्जनको द्वन्द्व निर्देशन छ । राजेन्द्र त्रिपाठी यसका निर्माता हुन् ।
गीत हेर्नुहोस् :-