मे २४ अर्थात् नेपाली मितिअनुसार जेठ १० गतेबाट प्रदर्शनमा आउन लागेको बलिउड चलचित्र ‘कडके कमाल के’ को ट्रेलर सार्वजनिक भएको छ । यस चलचित्रमा नेपाली अभिनेता आर्यन अधिकारी र अभिनेत्री नीता ढुंगानाको प्रमुख भूमिका छ । ट्रेलर कमेडीले भरिएको छ । चलचित्रमा भारतीय र नेपाली कलाकारहरुको अभिनय छ ।
यसमा बलिउडका चर्चित कलाकार राजपाल यादवले आर्यनको मामाको भूमिका निभाएका छन् । यो चलचित्रको अधिकांश छायांकन नेपालमा भएको हो । ट्रेलरमा अभिनेता आर्यनलाई कमेडी, एक्सन र रोमान्टिक अवतारमा देख्न सकिन्छ । अभिनेत्री नीताले भने ट्रेलरमा पर्याप्त ‘स्क्रिन स्पेश’ पाएकी छैनन् । न त उनलाई कुनै संवाद नै दिइएको छ ।
ट्रेलरभरी आर्यन र राजपाल छाएका छन् । चलचित्रमा भारतकी चर्चित कलाकार ऊषा नाडकर्णीको पनि अभिनय छ । एञ्जल श्रेष्ठ, दया शंकर पाण्डे, विजय पाटकर, राना जंग बहादुरलगायतका कलाकारहरुको पनि अभिनय रहेको चलचित्रलाई लक्ष्मण सिंहले निर्देशन गरेका हुन् ।
ऐतवारी सिंह निर्माता रहेको चलचित्रमा मुम्बईका निर्माता आशिष राजेको फिल्ममा लगानी छ । निर्देशक सिंह र भि.के. सिंहले यसको कथा तयार पारेका हुन् । रोचक कुरा त, आफ्नो पहिलो बलिउड चलचित्रको ट्रेलर रिलिज हुँदा पनि अभिनेता आर्यन र अभिनेत्री नीतामा कुनै चासो देखिएको छैन । यतिसम्मकी ट्रेलर सामाजिक सञ्जालमा समेत सेयर गरेका छैनन् ।
ट्रेलर हेर्नुहोस् :-