जेठ ३१ गतेलाई प्रदर्शन मिति घोषणा गर्दै प्रियंका कार्की र आयुष्मान देशराज जोशी स्टारर चलचित्र ‘प्रेम दिवस’ को दोस्रो गीत सार्वजनिक भएको छ । सार्वजनिक ‘बरु अर्को जुनी’ बोलको गीतमा मलिना राई र निशान भट्टराईको स्वर छ । शान्ति प्रियको शब्द तथा दीपक शर्माको संगीत रहेको गीतको भिडियोमा प्रियंका र आयुष्मानसँगै नव-नायक विशाल खरेल फिचर्ड छन् ।
भिडियोमा प्रियंका दोहोरो प्रेममा देखिएकी छन् । यसमा कविराज गहतराजको कोरियोग्राफी छ । चलचित्र ‘प्रेम दिवस’ लाई योगेश घिमिरेले निर्देशन गरेका हुन् । फिल्म एक युवतीसँग दुई युवकको प्रेममा आधारित छ । चलचित्रमा हेमन्त बुढाथोकी, शिव शंकर रिजाल, उत्तम केसी, सञ्जय न्यौपाने, श्रीकृष्ण लुइँटेललगायतका कलाकारहरुको पनि अभिनय रहेको छ ।
निर्देशक घिमिरे चलचित्रलाई म्यूजिकल लभस्टोरी भन्न चाहन्छन् । रोशन श्रेष्ठको द्वन्द्व रहेको चलचित्रमा बनिष शाह र मिलन श्रेष्ठको सम्पादन, मानकृष्ण महर्जनको छायांकन छ । मनिष दाहाल निर्माता रहेको चलचित्रका कार्यकारी निर्माता सञ्जय न्यौपाने हुन् । चलचित्रको कथा प्रदीप भारद्वाजले लेखेका हुन् ।
गीत हेर्नुहोस् :-