चैत २९ गतेबाट प्रदर्शनमा आउन लागेको चलचित्र ‘ए मेरो हजुर ३’ को पहिलो रोमान्टिक गीत सार्वजनिक भएको छ । शुक्रवार चलचित्रमा समावेश रोमान्टिक गीत ‘जिन्दगी नै भन्दिनँ’ बोलको गीत सार्वजनिक गरेको हो । गीतको भिडियोमा अभिनेता अनमोल केसी र डेब्यू गर्ल सुहाना थापा फिचर्ड छन् ।
सुगम पोखरेल र ‘फूल हैन’ फेम्ड गायिका प्रविशा अधिकारीको स्वर रहेको गीतमा एक नारायण भण्डारीको शब्द छ । आशिष अविरलले गीतमा संगीत भरेका छन् । नेपालसँगै अमेरिकाका विभिन्न रमणीय स्थानहरुमा खिचिएको गीतको भिडियोमा अनमोल र सुहानाको जोडी सुहाएको देखिन्छ । सुहानालाई भिडियोमा बोल्ड देखिएको छ ।
‘ए मेरो हजुर ३’ लाई झरना थापाले निर्देशन गरेका हुन् । यही चलचित्रको दोस्रो भागबाट उनले निर्देशनमा डेब्यू गरेकी थिइन् । सुहाना उनकै छोरी हुन् । सुनिल कुमार थापाले निर्माण गरेका हुन् । यसमा अनमोल र सुहानासँगै सलोन बस्नते, अर्पण थापा, रबिन्द्र झालगायतका कलाकारहरुको पनि अभिनय छ ।
निर्देशक थापा र सुमन पौडेलको कथा रहेको चलचित्रमा सञ्जय लामाको छायांकन र हिमाल केसीको द्वन्द्व निर्देशन छ । कविराज गहतराज, रामजी लामिछाने, प्रविन सिंह र राहुल शाहको कोरियोग्राफी रहेको फिल्ममा दिर्घ खड्काले सम्पादन गरेका छन् । सैलेश श्रेष्ठको ब्याकग्राउन्ड स्कोर रहेको चलचित्रमा सत्यम राना र अचुत बजगाइँले भिएफएक्स गरेका छन् ।
गीत हेर्नुहोस् :-