कंगनाले आफ्नै बायोपिक निर्माण गर्ने

बलिउड अभिनेत्री कंगना रणावतले आफ्नै बायोपिक निर्माण गर्ने भएकी छिन् । केही न केही विवादमा आइरहने कंगनाले आफ्नो बायोपिक निर्माण गर्ने भएकी हुन् ।

कहिले ऋतिक रोशनसँगको सम्बन्धका कारण चर्चामा आएकी उनी कहिले करन जोहरसँग पनि विवादमा परिन् । उनले बनाउने चलचित्रमा ऋतिक र करनको पात्र पनि राख्ने बताइएको छ ।

‘मणिकर्णिका’ फिल्मबाट चर्चाको शिखरमा रहेकी यी अभिनेत्रीले गरेको यो घोषणाले बलिउडमा ठुलै हलचल ल्याउने बताइएको छ । यसबारे ऋतिक, करनले कुनै पनि प्रतिक्रिया दिएका छैनन् ।