लेखक सुविन भट्टराईद्वारा लिखित चर्चित पुस्तक ‘समर लभ’ माथि आधारित भएर निर्माण भएको चलचित्र ‘समर लभ’ को स्याड भर्सन गीत सार्वजनिक भएको छ । फिल्म रिलिजको मुखमा रिलिज गरिएको ‘गुनासो छैन’ बोलको गीतमा गायक पुष्पन प्रधानको स्वर, शब्द र संगीत छ ।
गीतको भिडियोमा चल-अचल दृश्यहरु समावेश गरिएको छ । अभिनेता आशिष पिया उर्फ अतितको प्रेम पीडा गीतमा देखाइएको छ । अभिनेत्री रेवती क्षेत्री उर्फ सायाको प्रेममा उनी तड्पिएका छन् । गीतको अडियो उत्कृष्ट बनेको छ । पुष्पनको स्वर, शब्द र संगीतको जर्बजस्त संयोजन छ ।
यही शुक्रवारबाट प्रदर्शनका लागि तयार रहेको चलचित्रलाई ‘नाइँ नभन्नू ल ३’ फेम निर्देशक मुस्कान ढकालले निर्देशन गरेका हुन् । सुबिनको कथालाई सामीप्यराज तिमल्सेनाले पटकथामा ढालेका हुन् भने चलचित्रको संवाद सुबिन र सामीप्य मिलेर लेखेका छन् । चलचित्रमा खगेन्द्र श्रेष्ठ र इन्दु भण्डारी निर्माता रहेका छन् ।
चलचित्रमा बिनोद अधिकारी कार्यकारी निर्माता रहेका छन् । स्वपन सरकार र मनोज बिक सह-निर्माता रहेको फिल्मलाई सञ्जय लामाले छायांकन गरेका हुन् । चलचित्रको सम्पादक अर्जुन जिसी रहेका छन् । चलचित्रमा सुरज सिंह ठकुरी लेखक र नम्रता सापकोटा सुस्मिताको भूमिकामा छन् ।
गीत हेर्नुहोस् :-