‘गोपी’ गीत ‘तेरो आफ्नो…’ रिलिज (भिडियो)

माघ १८ गतेबाट प्रदर्शनमा आउन लागेको चलचित्र ‘गोपी’ को दोस्रो गीत सार्वजनिक भएको छ । निर्माण टिमले ‘तेरो आफ्नो…’ बोलको गीत सोमवार युट्युब रिलिज गरेको छ । गीतमा चर्चित गायक शिव परियारको स्वर छ ।

विप्लव प्रतिकको शब्द रहेको गीतमा कल्याण सिंहको संगीत छ । भिडियोमा चलचित्रका लिड कलाकार विपिन कार्की गाई पाल्दाका रमाइलो र कठिन पल सम्झिँदै भावुक देखिएका छन् । निर्देशक दीपेन्द्र लामाका अनुसार, चलचित्रमा उक्त गीत ‘थिम सङ’ का रुपमा प्रयोग गरिएको छ ।

चलचित्रमा विपिनको अपोजिटमा अभिनेत्री द्वय बर्षा राउत र सुरक्षा पन्त छन् । चलचित्रमा भोला सापकोटा, अंकित खड्का, प्रकाश घिमिरे, रमेश अधिकारी, कुन्ती सिमलीलगायतका कलाकारहरुको पनि अभिनय छ । आरोही केसी निर्माता रहेको चलचित्रमा श्रीधर पौडेल कार्यकारी निर्माताको रुपमा छन् ।

सामिप्यराज तिमल्सिनाको स्क्रिनप्ले रहेको उक्त चलचित्रलाई शैलेन्द्र डि. कार्किले खिचेका हुन् । कोरियोग्राफरको रुपमा गोविन्द राई छन् । चलचित्रले नीजि व्यवसाय गर्ने क्रममा आइपर्ने पारिवारिक, सामाजिक र नीतिगत अड्चनका वावजुत सफलता हात पार्ने एक युवाको कथा बोल्ने बताइएको छ ।

गीत हेर्नुहोस् :-