प्रियालाई गुगलमा सर्वाधिक खोजियो

गुगलले सबैभन्दा धेरै खोजी गरिएका स्टार, फिल्म र गीतको यसवर्षको सूची जारी गरेको छ । गुगलको यो सूचीमा रजनीकान्तको फिल्म ‘2.0’ र बैली डान्सर नोरा फतेहीको सुपरहिट गित ‘दिलबर’ पर्न सफल भएका छन् ।

यसबाहेक गुगलको सूचीमा सबैभन्दा धेरै सर्च गरिएको स्टार बन्न सफल भएकी छिन् मलयालम अभिनेत्री प्रिया प्रकाश वारियर । उनले बलिउडका सबै स्टार र हरियाणाकी सेन्शेसन र सिंगर सपना चौधरीलाई पनि पछाडि पारेकी छिन् । सर्वाधिक खोजी गरिएका स्टारहरुमा प्रिया प्रकाश वारियर प्रथम नम्बरमा छिन् ।

अमेरिकी सिंगर तथा प्रियंका चोपडाका श्रीमान् निक जोनस दोस्रो नम्बरमा छन् । यी दुई बाहेक तेस्रो नम्बरमा हरियाणाकी सिंगर तथा बिग बस ११ कि प्रतिस्पर्धी सपना चौधरी छिन् । त्यस्तै प्रियंका चोपडा चार, सोनाम कपुरका श्रीमान् आनन्द आहूजा पाँचौं स्थानमा छन् ।

त्यस्तै नवोदित अभिनेत्री सारा अली खान छैठौं स्थानमा छिन् । गुगलमा पहिलो स्थान हासिल गरेकी प्रिया प्रकाशले प्रणय दिवसको दिन सार्वजनिक भएको एउटा भिडियोबाट चर्चा बटुलेकी थिइन् ।