चलचित्र ‘गरुड पुराण’ को सार्वजनिक गीत ‘म त पिरिममा’ बोलको गीतमा निश्चल बस्नेत पनि देखिएका छन् । निर्माण पक्षले सार्वजनिक गरेको पहिलो गीतमा निश्चलसँगै चलचित्रका कलाकारहरु कर्मा र नव नायिका प्रियंका सिंह ठकुरी फिचर्ड छिन् ।
गीतमा निश्चलको जोडीको रुपमा अन्जली योञ्जन देखिएकी छिन् । गीतमा कोशिश क्षेत्री संगीत रहेको छ भने यसलाई दिनेश राउतले लेखेका हुन् । गीतमा कोशिश र मनिषा पोखरेलको आवाज रहेको छ ।
कोरियोग्राफी रेनाशा वान्तवा राईले गरेकी छिन् । पारिवारिक प्रेमकथामा आधारित गरुड पुराणमा हास्यरस पनि रहेको निर्देशक सुबास कोईरालाको भनाई छ ।
‘चलचित्रलाई रमाइलो बनाउने प्रयास गरेका छौं, त्यही अनुरुप गीत पनि तयार गरेका हौं’ निर्देशक कोइराला भन्छन्, ‘गीतलार्इ चलचित्रकै कथा अनुसार तयार गरेका हौं ।’
आकाश बराल, बिनोल खतिवडा र सुवास आफैंले लेखेको यो चलचित्रको कथा कसम नेपालको हो । निर्माताको रुपमा अजित प्रजापति र अशोक गौतम रहेका छन् । सुसन प्रजापतिको छायांकन रहेको चलचित्रलाई उज्ज्वल ढकालले सम्पादन गर्दैछन् ।
गीत हेर्नुहोस् :-