नेपाल आइडल सिजन वानका विजेता बुद्ध लामाको आवाजमा रहेको नयाँ गीत सार्वजनिक भएको छ । बसन्त सापकोटाको संगीत तथा प्रभा आचार्यको शब्द रहेको गीतमा बुद्धलाई मेलिना राईले गायनमा साथ दिएकी छन् ।
चर्चित डान्स ग्रुप भिमफेदी गाइजको आकर्षक नृत्यको साथमा तयार भएको यस भिडियोलाई भद्रगोलका काकु अर्थात् लेखक तथा निर्देशक दीपक आचार्यले निर्देशन गरेका हुन् ।
नेपाल आइडल भएपश्चात नेपाली गीतसंगीतमा बुद्धको दमदार उपस्थिती नभएको गुनासो आइरहेको समयमा आफूले त्यस कुरालाई सम्बोधन गर्नका लागि यो गीत निकालेको बुद्धको भनाई छ । उनले आफू नेपाल आइडल भएपनि सोचे अनुसार काम गर्न नपाएको गुनासो समेत गरे ।
यता संगीतकार बसन्त सापकोटाले बुद्धले नेपाल आइडलको ट्यागबाट माथि उठ्दै सिर्जनाको कारण चिन्ने अवस्था आउनु पर्ने भन्दै यस गीतले केही हदसम्म साथ दिने बताए ।
‘रातो टिका निधारमा टल्क्यो टल टल’ बोलको गीतलाई भिमफेदी गाइजका निर्मल लामाले कोरियोग्राफ गरेका हुन् भने डिओपी सुदिप बरालको रहेको छ ।
भिडियो :-