पश्चिम नेपालको लोकप्रिय टिपिकल झ्याउरे गीत ‘तिम्रो फोटो’ बजारमा ल्याईएको छ । हरी बिष्ट र ज्योती मगरको स्वरमा बनेको उक्त गीत र यसको भिडियो दशैं–तिहारको छेको पारेर सार्वजनिक गरिएको हो । गीतमा शब्द र संगीत गायक विष्टकै हो ।
‘तिम्रो फोटो शिरानी मुनी’, ‘फोटोसँग वोलेर नहुनी’ बोलको डान्स प्याटनको उक्त झ्याउरे गीतको भिडियोमा चर्चित रियालीटी शो ‘छमछमी’ भर्सेस ‘वुगिवुगी’ लाई निकै भिन्न शैलीमा उतारिएको छ । ५ मिनेट ४१ सेकेण्ड लामो गीतको भिडियो दोव्वर लामो चलचित्र जस्तै छ ।
यसमा ईन्ट्रि, मध्यान्तर र ईण्डिङलाई निकै भिन्न किसिमले प्रस्तुत गरिएको छ । नेपाल टेलिभिजनवाट प्रशारण भएको छमछमी–३ का कलाकार मनिता राई र शेखर घर्ती र एपी वानवाट प्रशारण भएको बुगिवुगीका टप फाईभ श्रृष्टि महर्जन र रविन भुजेलको नृत्य हेर्न लायक छ ।
गीत हेर्दा दर्शक–श्रोता रमाईलो मान्नेछन् । झण्डैं ४० गीत बजारमा ल्याईसकेका गायक विष्ट संगित क्षेत्रका अब्वल गितकार तथा संगितकार पनि हुन् । अजय रेग्मीले खिचेको भिडियोलाई टेकेन्द्र शाहले सम्पादन गरेका हुन् । कुलमान नेपालीले, नरेशविर सिंहले कोरियोग्राफी रहेको भिडियोलाई स्वय गायक बिष्टलेनै निर्देशन गरेका हुन ।
भिडियो :-