पर्दामा पनि अजयकी श्रीमती काजोल

बलिउड अभिनेत्री काजोल पर्दामा पनि अजय देवगणकी श्रीमती हुने भएकी छिन् । निर्माणको तरखरमा रहेको चलचित्र ‘तानाजी’ मा काजोलले अजय देवगणकी श्रीमतीको भूमिका निर्वाहा गर्न लागेकी हुन् ।

यो एक सय पचास करोडको बजेटमा बन्न लागेको भारतीय मिडियाले बताएका छन् । चलचित्रमा भिलेनको भूमिकामा सैफअली खान देखिनेछन् ।

चलचित्र थ्रिडी बनाउने योजना भइरहेको छ । ‘टोटल धमाल’पछि दोस्रो थ्रिडी चलचित्रमा अजयले काम गर्न लागेका हुन् । ‘तानाजी’ को निर्देशन ओम राउतले गर्नेछन् ।