चर्चित गायक शिव परियारको स्वर रहेको हिट गीत ‘आँशुको अर्थ’ को दोस्रो भाग ‘आँशुको अर्थ-२’ गीतको लिरिकल भिडियो सार्वजनिक भएको छ । सञ्चारकर्मी रबि अधिकारीको जन्मदिनको अवसर परेर उक्त गीतको लिरिकल भिडियो सार्वजनिक गरिएको हो ।
गीतका रचनाकार अधिकारीले ‘आँशुको अर्थ’ को सफलतापछि अझै राम्रो गर्ने प्रेरणा मिलेको बताए । उनले भने, ‘भाग १ को सफलताले भाग २ अझ राम्रो बनाउन चुनौती दियो । तर, दर्शकहरुको मायाले चुनौतीलाई अवसरको रुपमा लिएको छु ।’
दशैं लगतै निकेश खड्काको निर्देशनमा ‘आँशुको अर्थ’ का मुख्य कलाकार नायिका स्वस्तिमा खड्का र नायक आकाश श्रेष्ठलाई फिचर्ड गरेर गीतको म्युजिक भिडियो निर्माण गरिने बताइएको छ । गीतमा संगीतकार दिपक शर्माको संगीत रहेको छ भने एरेन्ज रिदम कँडेलको छ ।
लिरिकल भिडियो :-