उमेरले २६ वर्ष मात्र भएकी बलिउड अभिनेत्री दिशा पटानी ९० करोड नेपाली रुपैयाँबराबरकी मालिक्नी हुन् । फिल्म उद्योगमा नयाँ भए पनि उनको फ्यान फलोइङ गजब छ ।
‘एमएस धोनी : द अनटोल्ड स्टोरी’ बाट बलिउडमा डेब्यु गरेकी दिशा बलिउड अभिनेता टाइगर श्राफसँगको प्रेम सम्बन्धका कारण पनि चर्चामा आइरहने गर्छिन् ।
यस वर्ष प्रदर्शनमा आएको ‘बागी २’ को सफलताका कारण दिशा पटानी सय करोड क्लब अभिनेत्री बनिसकेकी छिन् । दिशाको स्टाइल सेन्स पनि कुनै टप हिरोइनको भन्दा कम छैन ।
प्रायजसो उनी महँगो कपडामै देखिने गर्छिन् । दिशाको कुल सम्पत्ति करिब ९० करोड रुपैयाँ छ भने उनको वार्षिक कमाइ करिब २८ करोड हुने गरेको छ ।
सलमान खानको चलचित्र ‘भारत’को सुटिङमा व्यस्त उनी पाँच करोडको घरमा बस्ने गर्छिन् । दिशासँग ८५ लाख रुपैयाँको बिएमडब्लयू ५ सेरिज, ८८ लाखको मार्सिडिज ई २२०, एक करोडभन्दा माथिको ज्वागर एफपेसलगायत गाडी छन् ।