‘केबीए ग्लोबल जुनी-जुनीलाई अनलाइन कभर गीत प्रतियोगीता २०७५’ को बिजेता तथा उप बिजेतालाई पुरस्कार प्रदान गरिएको छ । राजधानीमा पत्रकार सम्मेलनको आयोजना गर्दै कभर कम्पिटिसनका बिजेतालाई पुरस्कार प्रदान गरिएको हो ।
संगीतकार टिका दाहालको संगीत तथा बिष्णुबाबु देबकोटाको शब्द रचनामा नेपाल आइडलका टप बाह्रमा पुग्न सफल गायक राहुल बिश्वाश र गायिका सन्ध्या जोशीको स्वरमा रहेको गीतको कभर कम्पिटिसन आयोजना गरिएको थियो ।
कम्पिटिसनमा बिजेता हुन सफल झापाकी मुना सोरेन र उप बिजेता हुन सफल इटहरीका सपन श्रेष्ठलार्इ नगद पुरस्कार तथा प्रमाणपत्र प्रदान गरियो ।
बिजेताले नगद पचास हजार र उप बिजेताले नगद पच्चीस हजार प्राप्त गरेका छन् । उक्त पुरस्कार कम्पिटिसनका निर्णायक कमल खत्री, गीतका शब्द रचनाकार बिष्णुबाबु देबकोटा, गायिका सन्ध्या जोशी र केबीए ग्लोबलका म्यानेजर ओम बहादुर कार्कीको हातबाट प्रदान गरिएको हो ।
बिजेता र उप बिजेतालाइ एक एक वटा गीत रेकर्ड गराईदिने पनि उक्त कार्यक्रममा जानकारी गराइयो । लामो समयदेखि अस्ट्रेलियामा बस्दै आएका संगीतकार टिका दाहालको संगीतमा बनेको गीत निर्माणमा अस्ट्रेलियामा नै बस्दै आएका गणेश अधिकारी र प्रकाश ढुंगानाले सहयोग गरेका छन् ।
कभर कम्पिटिसनका लागि पुरस्कारको प्रायोजन केबीए ग्लोबल एजुकेसन एण्ड माइग्रेसनले गरेको हो । केबीए ग्लोबल एजुकेसन एण्ड माईग्रेसनले युवा तथा प्रतिभा भएका कलाकारहरु लाई प्रोत्साहन गर्दै आइरहेको छ ।