व्यवसायी तथा गीतकार अस्मिता सुमार्गीको शब्द समावेश नयाँ गीत सार्वजनिक भएको छ। आइतबार बुबाको मुख हेर्ने दिनको अवसरमा काठमाडौंमा एक कार्यक्रमको आयोजना गर्दै ‘मेरो बाबा’ बोलको गीत सार्वजनिक गरिएको हो ।
सार्वजनिक उक्त गीतमा विश्व नेपालीको स्वर तथा संगीत रहेको छ । अस्मिताले यस गीत आफ्नो बाबालाई समर्पित गरेर लेखेको बताइन् । उनी आमाको स्वर्गाहोरण पछि बाबाले आमा-बाबा दुबैको माया दिनुभएको बाबालाई यस गीत उपहार दिएको बताउँछिन् ।
युवराज वाइवाको निर्देशनमा तयार भएको भिडियोमा पुरना अभिनेता शिव श्रेष्ठ र हर्षिका श्रेष्ठको अभिनय रहेको छ र भिडियोमा एन्जल गुप्ता र दिपेन गौतमको पनि अभिनय देख्न सकिन्छ ।
भिडियो केही सन्देशमुलक पनि बनाइएको निर्देशक वाइवा बताउँछन् । त्यस्तै, अभिनेता शिव श्रेष्ठले यस भिडियोमा अभिनय गर्न पाउँदा निकै खुसी भएको बताए ।
भिडियोलाई उत्सव दाहालले खिचेका हुन् भने सम्पादनको जिम्मा निशान घिमिरेले लिएका छन् ।
भिडियो :-