बलिउड अभिनेता अक्षय कुमारको चलचित्र ‘गोल्ड’ बक्सअफिसमा सय करोड क्लबमा इन्ट्री भएको छ । पहिलो दिन नै २५ करोडको कलेक्सन गरेको चलचित्रले प्रदर्शनको १३ औं दिनमा सय करोड कमाएको हो ।
ट्रेड एनालिस्ट तरण आदर्शले सोसल मिडियामार्फत चलचित्रको कमाईको आँकडा सार्वजनिक गरेका छन् । पहिलो हप्ता अर्थात् ९ दिनमा ‘गोल्ड’ ले ८९.३० करोडको कारोबार गरेको थियो । दोस्रो हप्ताबाट भने फिल्मको कमाईमा ठूलो गिरावट आएको छ ।
दोस्रो हप्ताको पहिलो दिन १.८५ करोड, दोस्रो दिन ३.१० करोड, चौथो दिन ४.७५ करोड र पाँचौ दिन १.४५ करोड कमाएको छ । पहिलो र दोस्रो हप्ताको कलेक्सन जोड्ने हो भने उक्त चलचित्रले प्रदर्शनको १३ औं दिनमा सय करोडमाथिको विजनेश गरेको छ ।
अक्षय कुमारको यो चलचित्रमा मौनी रोय, कुणाल कपूर, अमित साध, विनीत कुमार सिंह, सनी कौशल र निकिता दत्ता जस्ता कलाकारहरुको प्रमुख भूमिका छ ।
उक्त चलचित्र भारतलाई हक्कीमा मिलेको पहिलो गोल्ड मेडलमा आधारित छ । यो चलचित्रलाई रीमा कागतीले निर्देशन गरेका हुन् ।