निर्देशक सञ्जय लीला भंसालीले तमिल सुपरहिट चलचित्र ‘कत्थी’ को हिन्दी रिमेकको राइट्स लिएका छन् ।
यो प्रोजेक्टमा लामो समयदेखि बलिउड अभिनेता अक्षय कुमारको नाम जोडिएको छ । खबरअनुसार, भंसाली पुनः एकपटक अक्षयसँग काम गर्दैछन् ।
उनले यो चलचित्रको निर्माण मात्र गर्नेछन् । चलचित्रको निर्देशन कसले गर्नेछन् अझैसम्म टुंगो लागेको छैन । ए आर मुरुगदासले उक्त चलचित्र निर्देशन गर्न सक्ने सम्भावना प्रवल छ ।
अक्षयले यसअघि भंसालीको निर्माण रहेको सुपरहिट चलचित्र ‘राउडी राठौर’ मा काम गरेका थिए, जुन तामिल चलचित्र ‘विक्रमारकुडू’ को हिन्दी रिमेक थियो ।
सुपरस्टार विजयको मुख्य भूमिका रहेको ‘कत्थी’ वर्ष २०१४ मा आएको तमिल चलचित्र हो । यसमा विजयको डबल रोल छ ।