आँचलसँग बिहे गर्दै पल (भिडियो)

पर्दामा निकै रुचाइएको जोडी अभिनेता पल शाह र अभिनेत्री आँचल शर्मा अभिनीत नयाँ म्यूजिक भिडियो सार्वजनिक भएको छ । ‘करकले पात…’ बोलको गीतमा राज खम्बु र मेलिना राईको स्वर छ ।

रत्न शम्सेर थापाको शब्द रहेको गीतमा नारायण वलीले संगीत भरेका छन् । गीतका एरेञ्जर राजन इशान हुन् । टौवा क्रियशनका सञ्चालक समेत रहेका शान थापाले भिडियोको निर्देशन गरेका छन् ।

भिडियोमा पल र आँचलको जोडी सुहाएको छ । अन्सु राईको निर्माणमा बनेको भिडियोमा अर्जुन तिवारीको छायांकन र सुप्रिम पराजुलीको सम्पादन छ । राजिव समर भिडियोका कोरियोग्राफर हुन् ।

सुरेश काफ्लेले भिडियोमा ड्रोन चलाएका छन् । कमल मानन्धरको कस्टूम रहेको गीतको भिडियो फरक शैलीमा तयार पाएको निर्देशक थापाले बताए । उनका अनुसार, गीतको भिडियो युवा पुस्तालाई लक्षित गरेर तयार पारिएको हो ।

भिडियो :-