अनुष्का र वरुणको ‘सुई धागा’ ट्रेलर रिलिज (भिडियो)

अभिनेत्री अनुष्का शर्मा र अभिनेता वरुण धवनको प्रमुख भूमिका रहेको चलचित्र ‘सुई धागा : मेड इन इन्डिया’ को ट्रेलर सार्वजनिक भएको छ । फिल्मको प्लट कहिँ न कहिँ महात्मा गान्धीको ‘मेड इन इन्डिया’ विचारबाट प्रेरित देखिन्छ ।

ट्रेलरमा चलचित्रको कहानीलाई निकै सुन्दर तरिकाबाट बयान गरिएको छ । मौजी बनेका वरुण र ममता बनेकी अनुष्काको जिन्दगीको कहानी र उनीहरुको स्ट्रगसलाई देखाइएको छ ।

यस चलचित्रका लागि वरुण र अनुष्का दुवैले सिलाई-बुनाईको तालिम लिएका थिए । ग्रामीण पृष्ठभूमिसँग जोडिएको चलचित्रमा अनु मल‍िकको सोलो संगीत छ । यस चलचित्रको बढी जसो छायांकन मध्य प्रदेशमा भएको हो ।

मनीष शर्मा निर्मित चलचित्रको रिलिज डेट गान्धी जयन्तीको दिन राखिएको छ । चलचित्र २८ सेप्टेम्बरमा रिलिज हुँदैछ । यशराज फिल्म्सको ‘सुई धागा : मेड इन इन्डिया’ मा वरुण-अनुष्का पहिलो पटक सँगै देखिएका हुन् ।

उक्त चलचित्रको निर्देशन शरत कटार‍ियाले गरेका हुन् । चलचित्रमा वरुण र अनुष्का पति-पत्नी बनेका छन् । शरतले यसभन्दा अगाडि ‘दम लगाके हइसा’ जस्ता सुपरहिट चलचित्र बनाइसकेका छन् ।

भिडियो :-