‘मुन्नाभाई’, ‘३ इडियट्स’, ‘पीके’ र अहिले ‘सञ्जू’ जस्ता हिट चलचित्र दिएपछि राजकुमार हिरानी बलिउडका ‘ब्याक टू ब्याक हिट’ फिल्म दिने फिल्ममेकर बनेका छन् । हिरानी निर्देशित चलचित्र ‘सञ्जू’ अब ३ सय करोडमा ईन्ट्री हुने तयारीमा छ ।
डिएनए रिपोर्टका अनुसार, यो चलचित्रको एक प्रमोसनल इभेन्टको क्रममा अभिनेता रणबीर कपूरले एकपटक फेरि राजकुमार हिरानीसँग काम गर्ने इच्छा व्यक्त गरेका छन् ।
रणबीरले इभेन्टमा निर्देशक हिरानीसँग भने, ‘उहाँले सञ्जय दत्त र आमिर खान दुवैसँग दुई-दुई चलचित्र गर्नुभएको छ र सबै हिट छन् । म पनि जान्न चाहन्छु कि रामकुमार मसँग कहिले दोस्रो चलचित्र बनाउनुहुन्छ, जसमा म लिड रोलमा देखिन पाउँ ।’
सोही बखत रणबीरले राजूसँग सोधे, ‘तपाई मसँग कतिवटा चलचित्र गर्न चाहनुहुन्छ ?’ जवाफमा हिरानीले हाँस्दै जवाफ दिए, ‘म तिमीसँग ५ चलचित्र बनाउँछु ।’