यही असार २९ लाई प्रदर्शन मिति तय गरिएको चलचित्र ‘यो पागल मन’ को अडियो जुकबक्स सार्वजनिक भएको छ ।
यूट्युबमा सार्वजनिक भएको अडियो जुकबक्समा शिर्ष गीतसहित ‘मार्यो मार्यो मायाले मार्यो’, ‘समयमै नचिन्दा तिमो माया’ र ‘पटियाला कुर्ता’ गीत सुन्न सकिन्छ ।
कल्याण अधिकारी निर्देशित यस चलचित्रलाई बिरेन्द्र कुमार यादब र कल्याणले मिलेर निर्माण गरेका हुन् । ऋचा सिंह ठकुरी, विनोद न्यौपाने, गौरी मल्ल, राजेश ढुंगाना, मनिष भण्डारीलगायतका कलाकारहरुको यो चलचित्रमा अभिनय छ ।
अर्जुन पोखरेलको संगीत रहेको चलचित्रलाई शम्भु सापकोटाले खिचेका हुन् । अनिल गौतमले यसमा सम्पादनको जिम्मेवारी सम्हालेका छन् ।
कमल राइको कोरियोग्राफी रहेको ‘यो पागल मन’ मा द्वन्द निर्देशन राजु किराँतीको रहेको छ भने सामिप्यराज तिमल्सिनाले पटकथा तथा संवाद लेखेका हुन् ।
अडियो जुकबक्स :-