७ दिनमा ‘सञ्जू’ को कलेक्सन २ सय करोड ग्रस

सञ्जय दत्तको बायोपिक चलचित्र ‘सञ्जू’ पहिलो हप्तामा नै २ सय क्लबमा इन्ट्री भएको छ । २९ जूनमा रिलिज भएको चलचित्रले प्रदर्शनको ७ दिनमा २०२. ५१ करोडको आँकडा पार गरेको छ ।

चलचित्रले कमाईको मामलामा बलिउडका कयौं बल्कबस्टर फिल्मलाई समेत मात ख्वाएको छ । ट्रेड एनालिस्ट तरण आदर्शले ट्वीट गर्दै चलचित्रको १ हप्ते बक्सअफिस कलेक्सन रिपोर्ट सार्वजनिक गरेका छन् ।

‘सञ्जू’ ले शुक्रवार ३४.७५ करोड, शनिवार ३८.६० करोड, आइतवार ४६.७१ करोड, सोमवार २५.३५ करोड, मंगलवार २२.१० करोड, बुधवार १८.९० करोड र बिहीवार १६.१० करोडको कलेक्सन गर्दै भारतमा कूल २०२.५१ करोड कमाएको छ ।

‘सञ्जू’ मा सञ्जय दत्तको भूमिकामा रणबीर कपूरले सानदार फरर्फेन्स दिएका छन् । अहिले उनको कामको चौतर्फी प्रशंसा भइरहेको छ । ‘सञ्जू’ ले रणबीरलाई अहिलेसम्मकै सबैभन्दा ठूलो गिफ्ट दिएको छ । यो उनकोे करिअरको सबैभन्दा ठूलो ओपनिङ चलचित्र बनेको छ ।

‘सञ्जू’ मा सञ्जयको रोलमा रणबीर कपूर, सुनील दत्तको भूमिकामा परेश रावल, नरगिसको भूमिकामा मनीषा कोइराला र मान्यता दत्तको भूमिकामा दिया मिर्जा छन् । राजकुमार हिरानी निर्देशित यस चलचित्र मा सोनम कपूर र अनुष्का शर्मा पनि छन् ।