गएको वर्ष प्रदर्शनमा आएको बलिउड सुपरस्टार अक्षय कुमार निर्मित तथा अभिनीत चलचित्र ‘ट्वाइलेट-एक प्रेम कथा’ ले बक्सअफिसमा धमाकेदार कलेक्सन गरेको थियो । यो चलचित्रको सफलतासँगै उनले यको दोस्रो भाग निर्माण गर्ने घोषणा गरेका छन् ।
उनले ट्विटरमार्फत चलचित्रको घोषणा गर्दै लेखेका छन्, ‘अबको तयारी अर्को ब्लकबस्टर मिसन ‘ट्वाइलेट-२’ का लागि । यसपटक बदलिनेछ पूरा देश । चाँडै आउँदैछु ।’
अक्षय कुमारले एक सर्ट भिडियो पनि रिलिज गरेका छन्, जसमा उनले भनेका छन्, ‘ट्वाइलेट’ त बन्यो तर कथा अझै पनि बाँकी छ । म चाँडै ‘ट्वाइलेट’ को पार्ट २ लिएर आउँदैछु ।’ तर, उनले यस चलचित्रको बाँकी स्टारकास्टलाई लिएर कुनै खुलासा गरेका छैनन् ।
अक्षयसँगै ‘ट्वाइलेट-एक प्रेम कथा’ मा भूमि पेडनेकर, दिव्येन्दु शर्मा, सुधीर पान्डे र अनुपम खेर मुख्य भूमिकामा थिए ।