यही असार २९ गतेबाट देशव्यापी प्रदर्शनमा आउन लागेको उमेश थापा र कविता गुरुङको रियल लभस्टोरीमा निर्मित चलचित्र ‘बोबी’ को पोष्टरहरु सार्वजनिक भएका छन् । पोष्टरमा यी दुईलाई रोमान्टिक अवतारमा देख्न सकिन्छ ।
उमेश र कविता स्वयमको अभिनय रहेको यसका निर्देशक मिलन चाम्स हुन् । ‘लिलिबिली’, ‘ब्लाइन्ड रक्स’, ‘वीर विक्रम’ जस्ता चलचित्र निर्देशन गरिसकेका उनी यो चलचित्र आफ्नो लागि महत्वपूर्ण रहेको बताउँछन् ।
चाम्स इन्टरटेनमेन्ट र लण्डन आई इन्टरटेनमेन्टको व्यानरमा निर्माण भएको ‘बोबी’ मा संचारकर्मी नरेश भट्टराई/गिरिराज घिमिरेको स्क्रिप्ट, नवराज कृष्ण थापाको छायांकन, अर्जुन जिसीको सम्पादन र बसन्त सापकोटा/ताराप्रकाश लिम्बुको संगीत रहेको छ ।
यसमा विजय लामा, रुबी राणा शाह, देशभक्त खनाल, रश्मि भट्ट, रवि गिरी, सुरवीर पण्डित, बादल भट्ट, पुर्णिमा लामा, शिशिर राणा लगायतका कलाकारको पनि अभिनय छ ।