अभिनेता आकाश श्रेष्ठ र अभिनेत्री आँचल शर्माको प्रमुख भूमिका रहेको चलचित्र ‘ब्ल्याक’ को अफिसियल ट्रेलर सार्वजनिक भएको छ ।
बिहीवार राजधानीमा एक कार्यक्रमका बीच सार्वजनिक गरिएको ट्रेलरमा आकाश र आँचलको प्रेममा आउने उतारचढाव देखाउन खोजिएको छ ।
यी दुईको प्रेममा अभिनेता आयुष रिजाल बाधक बनेका छन् । प्रदिप श्रेष्ठ निर्देशित यसमा सुन्दर श्रेष्ठ, सुशिल क्षेत्री, धिरेन शाक्य, प्रिया रिजाल पनि लिड रोलमा छन् । यो चलचित्र भाद्र १ गतेबाट देशभर प्रदर्शनमा आउँदैछ ।
आश्मा पाण्डेको निर्माणमा बनेको चलचित्रमा द्वन्द्व चन्द्र पन्तको रहेको छ भने अर्जुन जिसीले सम्पादन गरेका हुन् । मौनता श्रेष्ठको कथामा तयार भएको ‘ब्ल्याक’ मा कोरियोग्राफी रामजी लामिछानेको र छायांकन रामशरण उप्रेतीले गरेका छन् ।
करिब चार बर्षको अन्तरपछि निर्देशनमा फर्किएका निर्देशक श्रेष्ठले पछिल्लो पुस्ताका दर्शकको मनोभावना बुझ्ने गरी सोहि प्रकारको कथावस्तुमा चलचित्र बनाएको बताए । चेतनकुमार पाण्डे चलचित्रका कार्यकारी निर्माता हुन् ।
ट्रेलर हेर्नुहोस् :-