बलिउड सुपरस्टार सलमान खान अभिनीत चलचित्र ‘रेस ३’ ले बक्सअफिसमा खासै कमाल देखाउन सकेन । यसले प्रदर्शनको तीन दिनमा सय करोड कमाएपनि त्यसपछि चलचित्रको कलेक्सनमा ठूलो गिरावट आएको छ ।
यो चलचित्रलाई क्रिटिक्स र दर्शकले झुर भनेका छन् । चलचित्रलाई कुनै पनि क्रिटिक्सले २ स्टारभन्दा बढी दिएका छैनन् । दर्शक र क्रिटिक्स द्वारा लगातार नेगेटिभ रिम्भू दिएका कारण प्रतिष्ठित ‘आईएमडिवी’ वेबसाइटले ‘रेस ३’ लाई संसारको सबैभन्दा ‘खराब’ चलचित्रको लिस्टमा राखेको छ ।
यो लिस्टमा फिल्मको स्थान ७९ छ । ‘आईएमडिवी’ ले इन्टरनेटमा दिइने रिम्भूको आधारमा चलचित्रको स्थान तय गर्ने गर्दछ । हलिउड चलचित्र ‘कोर्ड नम्बर : के.ओ. जेड’ संसारकै सबैभन्दा नराम्रो चलचित्रको लिस्टमा पहिलो स्थानमा छ ।
बलिउड चलचित्रको कुरा गर्ने हो भने सबैभन्दा माथि राम गोपाल वर्माको ‘आग’ छ, जसले १८ औं स्थानमा आफ्नो नाम लेखाएको छ ।