अभिनेत्री प्रियंका चोपडा चाँडै बलिउड सुपरस्टार सलमान खानसँग चलचित्र ‘भारत’ मा काम गर्दैछिन् । यसपछि उनी ऋतिक रोशन स्टारर चलचित्र ‘कृष’ को चौथो सिरिजमा देखिने चर्चामा छ ।
खबरअनुसार, ‘कृष ४’ का लागि मेकर्सले उनलाई फिमेल लिडका लागि अप्रोज गरेका छन् । प्रियंकालाई स्क्रिप्ट औधि मनपरेको छ तर उनी आफ्नो भूमिका ऋतिकको क्यारेक्टर जस्तै सशक्त र प्रभावशाली होस् भन्ने चाहन्छिन् ।
उनले जसरी नयाँ चलचित्र सोच-विचार गरेर चुनिरहेकी छिन् त्यसरी नै पारिश्रमिकको मामलामा पनि उनी बलिउडका अभिनेतालाई टक्कर दिने दौडमा देखिएकी छन् । उनले अली अब्बास जफरको फिल्म ‘भारत’ का लागि १२ करोड पारिश्रमिक माग गरेको खबर प्राप्त छ ।
यसपछि उनी सबैभन्दा बढी फिस बुझ्ने अभिनेत्रीको लिस्टमा दीपिका पादुकोणसँग बराबरी गर्दै टपमा आउनेछिन् । दीपिकाले चलचित्र ‘पद्मावत’ का लागि १२ करोड पारिश्रमिक लिएकी थिइन् ।