तीन दिनमा ‘रेस ३’ को कमाई सय करोड ग्रस

बलिउड सुपरस्टार सलमान खान अभिनीत चलचित्र ‘रेस ३’ ले प्रदर्शनको मात्र तीन दिनमा सय करोड कमाउन सफल भएको छ । ‘रेस ३’ ले भारतीय बक्सअफिसबाट विकेन्डमा १ सय ६ करोड ४७ लाख कमाउन सफल भएको छ ।

सय करोड रुपैयाँको कमाईको आँकडा पार गरेर ‘रेस ३’ वर्षको दोस्रो टप विकेन्ड ओपनर चलचित्र बनेको छ । यो लिस्टको पहिलो नम्बरमा ‘पद्मावत’ छ ।

चलचित्रले पहिलो दिन २९ करोड १७ लाख, दोस्रो अर्थात् ईदको दिन ३८ करोड १४ लाख र तेस्रो दिन ३९ करोड १६ लाख कलेक्सन गरेको छ ।

रेमो डिसूजा निर्देशित यो चलचित्रमा सलमानसँगै ज्याकलीन फर्नान्डिज, बबी देओल, अनिल कपूर, डेजी शाहलगायतको लिड रोल छ । रमेश तौरानी यस चलचित्रका निर्माता हुन् ।