साउन ११ गतेबाट प्रदर्शनमा आउन लागेको चलचित्र ‘रोमियो एण्ड मुना’ को मोन्सटर पोस्टर रिलिज भएको छ । बुधवार निर्माण टिमले चलचित्रको राक्षसी रुपवाला पोस्टर सार्वजनिक गरेको छ ।
‘आफू भित्रको दानवलाई चिन्नुस्’ भन्ने ट्याग लाइनसहित सार्वजनिक भएको यो पोस्टर कम्युटर ग्राफिक्सबाट तयार गरिएको हो । मोन्सटरलाई पनि चलचित्रमा एउटा पात्रको रुपमा देख्न सकिनेछु, निर्देशक नरेश कुमार केसी भन्छन्, ‘चलचित्रमा राक्षस पात्रलाई एउटा बिम्वको रुपमा प्रयोग गरेका छौं ।’
विनय श्रेष्ठ र सृष्टि श्रेष्ठ यस चलचित्रका लिड कलाकार हुन् । यी दुईका अलावा चलचित्रमा प्रज्वल सुजल गिरी, सुष्मा कार्की, सुरक्षा पन्त लगायतका कलाकारहरुको पनि अभिनय छ ।
यो चलचित्रमा लोकेन्द्र बज्रचार्यको सम्पादन, गौरव डागोन्कर, कोशिश क्षेत्री, कालीप्रसाद बाँस्कोटा र अर्लको संगीत, प्रताप सिंह, रेनशा राई, राजिव समरको कोरियोग्राफी छ ।
शहरिया युवा र ग्रामिण युवती बिचको प्रेमकथा बोल्ने ‘रोमियो एण्ड मुना’लाई प्रसन्न गोपाली, रामशर्मा, कविनशाक्य र नायक विनय श्रेष्ठले संयूक्त रुपमा निर्माण गरेका हुन् । ‘रोमियो एण्ड मुना’ लाई दिपाङकर सिक्देर र बाबु श्रेष्ठले खिचेका हुन् ।