‘रोजी’ मा डिएसपी कर्मा

युवा स्टार प्रदीप खड्काको प्रमुख भूमिका रहेको चलचित्र ‘रोजी’ को हाल धमाधम छायांकन चलिरहेको छ । यो चलचित्रले प्रेमीले आफ्नै प्रेमिकाको हत्या गरेको कथा बोल्छ । यसलाई निरक पौडेलले निर्देशन गरिरहेका छन् ।

‘रोजी’ मा प्रदीपको अपोजिटमा अभिनेत्री परमिता आरएल राणा छिन् । अभिनेत्री मिरुना मगरको पनि प्रमुख भूमिका छ ।

सुरुवातदेखि नै चलचित्रमा अभिनेता कर्मा शाक्यको अभिनय रहने बताइए पनि उनकोे भूमिकाको विषयमा भने खुलाइएको थिएन । अन्ततः यसको पनि पर्दाफास भएको छ । चलचित्रकी कलाकार पल्पसा डंगोलले फेसबुकमा शेयर गरेको एक तश्बिरमा कर्मालाई डिएसपीको पोशाकमा देख्न सकिन्छ ।

गोपीकृष्ण मुभिज र आरोही इन्टरटेन्मेन्टको ब्यानरमा बनिरहेको चलचित्रको प्रस्तुतकर्तामा उद्धव पौडेल रहेका छन् । आयरा पौडेल र आरोही केसीको निर्माण रहेको ‘रोजी’ लाई राजु विक्रम थापाले खिचिरहेका छन् । चलचित्रको कथा केदार भुषालले लेखेका हुन् ।