असार २९ गतेबाट प्रदर्शनमा आउन लागेको चलचित्र ‘वीराङ्गना’ को ‘तिम्रो हाम्रो मायामा’ बोलको गीतमा सार्वजनिक भएको छ । गीतमा दिपक शर्माको संगीत र रघु परियारको शब्द रहेको छ भने कृष्ण काफ्ले र रेश्मा पुनको स्वर सुन्न सकिन्छ ।
रामेश्वर कार्कीले खिचेको गीतमा अभिनेत्री शिल्पा पोखरेल र अभिनेता पुथ्वीराज प्रसाईँ फिचर छन् । यसका कोरियोग्राफर सुरेन्द्र बसेल हुन् ।
एक्सन जनराको नारी प्रधान भनिएको ‘वीराङ्गना’ मा राज बहादुर सानेको निर्देशन, हरि घले लामाको छायांकन र तारा थापा ‘किम्भे’ को सम्पादन छ ।
उक्त चलचित्रमा बाबुराम दास, श्याम बहादुर थापा, रघु परियार, देव तामाङ र विमला भट्ट निर्माता तथा सह-निर्मातामा सुमि चाम्लिङ राई रहेका छन् ।
र्फोथ आई मुभिजको ब्यानरमा निर्माण भएको ‘वीराङ्गना’ मा अनुप विक्रम शाही, धिरेन शाक्य, प्रज्वल गिरी, प्रिया रिजाल, ध्रुव कोईराला, सुशिल पोखरेललगायतको पनि अभिनय रहेको छ ।
गीत हेर्नुस् :-