वर्षौपछि रेखा र विपनाको जम्काभेट

अभिनेत्री त्रय करिश्मा मानन्धर, विपना थापा र रेखा थापाको जमघट भएको छ । शनिवार साँझ यी तिन अभिनेत्रीको एक ग्यादरिङमा भेट भयो । जहाँ वर्षौपछि उनीहरुले पुराना याद पुनः ताजा गरे ।

करिश्मा अघिल्लो पुस्ताकी अभिनेत्री भए पनि रेखा र विपनालाई भने एकै कालखण्डका प्रतिस्पर्धी अभिनेत्री मानिन्छ । एकसमय यी दुईबीच कडा व्यावसायिक प्रतिस्पर्धा हुने गरेको फिल्मी पण्डितहरु बताउँछन् । ‘मितिनी’, ‘वरमाला’ लगायतका चलचित्रमा रेखा र विपनाले सँगै काम पनि गरेका छन् ।

आफ्नो आधिकारिक फेसबुकमा रेखाले ‘विथ माई टू सुपरस्टार’ भन्दै करिश्मा र विपनासँगको फोटो शेयर गरेकी छिन् । उनी लेख्छिन्, ‘विपना दी इन्डष्ट्री, अडियन्स मिसिङ यू । प्लिज कमब्याक इन इन्डष्ट्री । वि लभ यू ।’

तश्बिरमा तीन अभिनेत्रीको गाढा प्रेम देख्न सकिन्छ । उनीहरुले एकअर्काको गालामा चुम्बन गरेका छन् । सम्भवतः पहिलो पटक करिश्मा, रेखा र विपना एउटै फ्रेममा अटेका हुन् । रेखा र करिश्मा अझै चलचित्रमा सक्रिय भएपनि विपना भने विवाहपछि पर्दामा देखिएकी छैनन् ।