असार २९ गतेबाट प्रदर्शनमा आउन लागेको चलचित्र ‘वीराङ्गना’ को चार पोस्टर सार्वजनिक भएको छ । पोष्टरमा अभिनेता द्वय अनुप विक्रम शाही, पृथ्वी राज प्रसाईँ र अभिनेत्री शिल्पा प्रस्तुत छन् ।
पोस्टरमा शिल्पालाई घोडा र बाँदरसँगै एक्सन लुक्समा देख्न सकिन्छ । एक्सन जनराको नारी प्रधान भनिएको यस चलचित्रमा राज बहादुर सानेको निर्देशन, हरिबोल लामाको छायांकन र तारा थापाको सम्पादन छ ।
उक्त चलचित्रमा बाबुराम दास, श्याम बहादुर थापा, रघु परियार, देव तामाङ र विमला भट्ट निर्माता तथा सह-निर्मातामा सुमि चाम्लिङ राई रहेका छन् ।
र्फोथ आई मुभिजको ब्यानरमा निर्माण भएको ‘वीराङ्गना’ मा धिरेन शाक्य, प्रज्वल गिरी, प्रिया रिजाल, ध्रुव कोईराला, सुशिल पोखरेललगायतको पनि अभिनय रहेको छ ।
निर्देशक सानेले सिमाना क्षेत्र र अपराध नियन्त्रणमा सशस्त्र प्रहरीले पुर्याएको योगदान र महिला सशस्त्र प्रहरीको वीरताको बारेमा चलचित्रले बोलेको बताए । अनुप र शिल्पा चलचित्रमा आफ्नो भूमिकालाई लिएर उत्साहित देखिएका छन् ।