असार २९ गतेलाई प्रदर्शन मिति घोषणा गरिएको अभिनेता सलोन बस्नेत स्टारर चलचित्र ‘बाबु कान्छा’ को टीजर सार्वजनिक भएको छ । यसमा १७ वर्ष अघि उनले अभिनय गरेको तथा अभिनेता भुवन केसी अभिनीत चलचित्र ‘नेपाली बाबु’ को एक इमोशनल सिन पनि राखिएको छ ।
१७ वर्ष अघिको बालक र १७ वर्षपछिको जवान सलोनको लुक्सलाई टीजरमा देखाउन खोजिएको छ । शोभित बस्नेतको निर्माण तथा निर्देशन रहेको ‘बाबु कान्छा’ मा सलोन बस्नेत नीर शाह, सरोज खनाल, राजाराम पौडेल, लय संगौला, करिष्मा श्रेष्ठ, ऋतिक शाही, सम्राट सापकोटा, मञ्जु पौडेललगायतको अभिनय रहेको छ ।
यो चलचित्रबाट अश्लिन ज्ञवाली र ज्योत्सना महर्जनले डेब्यू गर्दैछन् । सञ्चारकर्मी रबि अधिकारी कार्यकारी निर्माता रहेको ‘बाबु कान्छा’ मा सन्तोष राज भण्डारी र सुरज घिमिरे सह-निर्माताको रुपमा रहेका छन् । बाबु श्रेष्ठ र कृष्ण श्रेष्ठको छायांकन रहेको चलचित्रमा रामजी लामिछाने र दिपेन्द्र तिमिल्सेनाको कोरियोग्राफी रहेको छ ।
उक्त चलचित्रमा अष्ट महर्जनको द्वन्द, गौतम राज खड्काको सम्पादन, टंक बुढाथोकीको संगीत रहेको छ भने ओम सुनारले ‘कर्णवीर’ को ‘चन्द्रमा झैँ राम्री छौ’ गीतलाई रिमिक्स गरेका छन् ।
भिडियो :-