‘कप्स’ मा अनुप बने डिएसपी (फोटोसहित)

अभिनेता अनुप विक्रम शाही स्टारर चलचित्र ‘कप्स’ को यतिबेला धमाधम छायांकन भइरहेको छ । आइतवार दिउँसो काठमाण्डौको बसुन्धरास्थित धापासी हाइटमा अभिनेता शाही संवाद बोल्दै गर्दा भेटिएका थिए ।

डीएसपी अमन सिंहको भूमिका निर्वाहा गरेका उनले चलचित्रमा आफूले सच्चा प्रहरी अधिकृतको भूमिका निर्वाहा गरेको बताए । सम्राट सापकोटा यसका निर्देशक हुन् । उनी दर्जन बढी चलचित्रमा अभिनय समेत गरेका छन् ।

‘कप्स’ बाट सन्दिपा लिम्बुले नेपाली रजतपटमा पाइला राख्दैछिन् । उनले चलचित्रमा एक पत्रकारको भूमिका निर्वाहा गरेकी छन् । अमित गिरीलाई पनि यस चलचित्रमा मुख्य भूमिकामा देख्न सकिन्छ ।

एक्सन र लभस्टोरी जनरामा निर्माण भइरहेको यो चलचित्रका लागि महँगो बजेट खर्च गरिएको निर्माणपक्षले बताएको छ । राम शाक्यको प्रस्तुतिमा तयार भैरहेको यो चलचित्रलाई सारा श्री र आर्या मुभिजको ब्यानरमा निर्माण गरिएको हो ।

सुशन प्रजापतिको छायांकन र कविराज गहतराजको कोरियोग्राफी रहेको चलचित्रले पोलिटिक्स, प्रहरी र जनताको कथा बोल्ने निर्देशक सपाकोटाले जानकारी दिए । चलचित्रको ७५ प्रतिशत छायांकन सकिएको र अब एउटा गीतको छायांकन टर्कीमा गर्ने योजनामा निर्माण टिम छ ।