अभिनेता अनमोल केसीले झरना थापाले निर्देशन गर्ने चलचित्र ‘ए मेरो हजुर ३’ पछि ‘लिलिबिली’ निर्देशक मिलन चाम्सको नयाँ चलचित्रमा काम गर्ने भएका छन् ।
शनिवार अनमोलले ‘ए मेरो हजुर ३’ साइन गर्दा मिलन पनि साथमै थिए । खबरअनुसार, अनमोलले ‘क्याप्टेन’ पछि ‘ए मेरो हजुर ३’ गर्नेछन् । यसपछि मात्र मिलनको अनटाइटल चलचित्रमा काम गर्ने मौखिक सम्झौता भएको छ ।
पूर्ण रुपमा लभस्टोरी कथामा निर्माण हुने उक्त चलचित्रको अनमोलले स्क्रिप्ट सुनिसकेका छन् । यस फिल्मको अधिकांश सुटिङ विदेशमा हुनेछ । केही दिन भित्रमा नै अनमोल र मिलनबीच औपचारिक सम्झौता हुने खबर प्राप्त छ ।
प्राप्त जानकारी अनुसार, अनमोलको लिड रोल रहने चलचित्रको बजेट ३ करोडमाथी हुनेछ । अहिले निर्देशक चाम्स उनका लागि नायिका छनौटमा जुटेका छन् ।